نختموا تقديمات حلقتنا
بلو سول ولد تاع عددنا
رسام من الصغر
بدى يرسم قبل ما بدى يهدر
الاخ عزري محمد صالح
وهراني الاصل ، طالب و نقدروا نقولوا وليد البارح
صاحب التلاته و عشرين
والديه هما اللي شافوا فيه هاذ الموهبة و هو مول التلث سنين
و استاذوا تع الرسم في الثانوية عاونوا شوية
مدلوا بعض التقنيات كي شاف موهبتوا الفنية
سقيتوا على تعدد لي سيپور تاع خدمتوا لانوا شخصيا نحب اعمالوا على لا پورسولان (enialecrop alal porcela)
حكالي انوا كي يروح للقهوة يرسم على لي سوتاس الشي لي كان ديما يزعف لا سارفوز
تما فهمت ان الرسم ماشي غير هواية
انما ساكن حياتوا ليل و عشية
صالح اكسبوزا من قبل
وعندوا مشاريع راهوا يطور فيها للمستقبل
واحد فيهم هي AZ-REAL لا مارك ديالوا
اللي تجمع بين موهبتوا و جزائريتوا
راهوا يطور une ligne de vetement و حابها تكون جزائرية الاصل ، الديزاين و العمل
يخدم فيها دوڨا دوڨا و مدابيه يقدمها للجمهور في قصير المدى
نتمناولك انك تنجح في مشروعك
و نشالله نكونوا حاضرين نهار تقدموا لجمهورك
لي حاب يعاونوا باش يطورمشروعوا و يقاسموا اعمالوا
نخليلكم روابط ديالوا

Page Facebook @AZREAL95

by Meriem

LEAVE A REPLY

Please enter your comment!
Please enter your name here